Meldt for tjuveri av øl
Politiet har også fått tips om ein ung mann som ikkje ser ut til å bry seg om at førarkortet er beslaglagt.
Laurdag i 08-tida fekk politiet melding om ein påkøyrd katt nær Liafjellstunnelen.
Ein patrulje køyrde ut, men fann ingen katt.
I 16-tida laurdag fekk politiet tips om ein ung mann som stadig køyrer bil, sjølv om meldar kjenner til at vedkomande har mista førarkortet.
– Vi følgjer opp saka, seier politioverbetjent Anne Lyssand.
I 18.20-tida laurdag kveld kom det melding om tjuveri av øl frå ein daglegvarebutikk nord for Os sentrum.
– Mistenkte er ein kjenning av oss. Butikken vil melda forholdet.
Natt til søndagvar det ein episode der ein man i 30-åra blei mistenkt for å prøva å køyra på ein mann i 20-åra med bil.
– Ingen personar blei skadde. Bilførar er mistenkt for køyring i rus, og er pågripen.
