Melding om ny grasbrann
Denne gong på Hatvik. Men det viste seg å truleg vera ei falsk melding. Brannvesenet har returnert.
Rett før klokka 18 rykte brannvesenet ut til ein grasbrann på Lepsøyneset. Klokka 1930 kom det melding om ny grasbrann i kommunen.
- Det er meldt om grasbrann i Eidsvegen, skriv politiets operasjonssentral på Twitter.
Brannvesen og politiet rykte umiddelbart ut med fleire bilar.
Rett frå Lepsøy
Brannvesenet var nett ferdig med sløkkinga på Lepsøy då meldinga om brann på Hatvik kom inn.
– Mannskapa var allereie i bilane, så vi køyrde direkte til Eidsvegen, fortel vakthavande brannbefal Erik Walden.
Fann ikkje brannen
Da brannbilane kom fram til staden der det etter meldinga skulle brenna såg dei ikkje noko brann.
– Vi har søkt gjennom terrenget, men ikkje funne spor av brann.
- Dei øvrige mannskapa har no returnert til Os, fortalde Walden klokka 19.50, medan han sjølv tok ein ekstra runde i terrenget.
Stor brannfare
Brannsjef Stein Gjøsund åtvara før påske om stor brannfare i det årsgamle graset.
– Bruk sunt bondevett, sa brannsjefen då.
Det betyr mellom anna å ikkje kasta frå seg sneipar i naturen eller brenna bråte, sjølv om det er fint vêr.