Lokal | 04. apr. 2013
Grasbrann på Lepsøy
Det brann på eit relativt stort område på Lepsøyneset torsdag ettermiddag. Brannvesenet fekk fort kontroll.
Andris Hamretorsdag 04. apr. 2013 18:12
Rett før klokka 18 torsdag ettermiddag fekk brannvesenet fleire meldingar om røyk på Lepsøy.
- Det er ein grasbrann på Lepsøyneset, fortel Erik Walden hos Os Brann- og redningsvesen.
- Er det stort område som brenn?
– Det byrjar å bli relativt stort, stadfestar Walden.
Brannvesenet rykte ut med alt tilgjengeleg mannskap.
Brannen var i eit hytteområde i nærleiken av Kongshaug Musikkgymnas. Hytter var i fare for å bli tent, men hytteeigarane slapp med skrekken. Fleire folk på staden prøvde å sløkka brannen med bøtter med vatn.
Klokka 18.25 var brannen under kontroll. Brannvesenet dreiv framleis ettersløkking.