I går varsla Meteorologisk institutt opptil åtte meter høge bølgjer langs kysten av Vestland onsdag kveld.
Inna skjers ligg det an til å bli noko rolegare, men vindstyrken skal opp i 13,5 m/s (liten kuling) på det kraftigaste, onsdag ettermiddag.
Vinden skal koma frå vest, så Os hamn blir ikkje så utsett.
Det er full fjøre i Os klokka 15.49, noko som òg kan skapa ein dempar.
Men det er likevel verdt å sjekka båten, rydda kaien og sikra trampolina i hagen før vindstyrken aukar på.
Vinden skal opp frå 6 til 12 m/s onsdag formiddag, og er venta å halda seg på rundt 10 m/s til torsdag ettermiddag.
Onsdag i 18-tida kan det òg koma lyn.
Det er meldt regn frå tysdag ettermiddag, gjennom heile onsdag til torsdag ettermiddag. Også fredag skal det koma ein del nedbør gjennom dagen.
- Sjå detaljert vêrmelding for Osøyro på VG Pent.
