MC på bakhjulet - MC i buskane
Polititet har fått fleire tips om mc relaterte hendingar i trafikken denne helga.
Politiet fekk fleire trafikkmeldingar å ta hand om denne helga.
Fredag mottok politiet melding frå vegtrafikksentralen om køyretøystans i Lyshorntunnellen.
Det var ein lastebil som stod i ei havarilomme retning Rådalen. Det vart ikkje sett i verk operative tiltak.
Fann MC langs Strønevegen
Laurdag ettermiddag mottok politiet melding om ein motorsykkel som sto parkert i nokre buskar langs Strønevegen.
Den hadde ikkje registreringsnummer og såg difor ut til å vera stolen.
Politiet hadde ikkje kapasitet til å senda ein patrulje for å sjekka forholdet.
På bakhjulet
Seinare samme ettermiddag fekk politiet melding om fleire motorsyklar som køyrde på eitt hjul i Hegglandsdalsvegen.
– Dette er eit gjentakande problem, fortel politioverbetjent Anne Lyssand.
Politiet sende ein patrulje til Hegglandsdalen, men kunne ikkje sjå nokon som køyrde på eitt hjul då dei var der.
På laurdagskvelden kom ei tredje melding om MC til politiet.
Denne meldinga handla om ein MC som køyrde i stor fart på eitt hjul på Halhjemsvegen.
Politiet hadde ikkje kapasitet til å rykka ut.
