Gut observert då han prøvde å køyra på bakhjulet

Måndag i 22.30-tida observerte politiet ein ung motorsyklist som prøvde å køyra på eitt hjul.

– Vedkomande, ein gut i vgs-alder, la seg flat og innrømte at han prøvde å køyra på bakhjulet, men ikkje fekk det til, fortel politioverbetjent Anne Lyssand.

– Motorsyklistar risikerer førarkortbeslag ved slik leik i trafikken, og dei som eventuelt driv med motorsport blir i så fall ekskludert frå køyring på bane.

Denne gong blei det ikkje oppretta sak.

– Guten blei irettesett og fekk ei åtvaring.