Fleire klagar på støy, fyrverkeri og høge smell
– Minst éin av plassane skal det ha vore brukt fyrverkeri.
Politiet i Os fortel om ei roleg helg, men om nokre meldingar om støy og smell.
Laurdag kveld fekk dei fleire meldingar om både smell og fyrverkeri frå ei privat adresse på Nore Neset.
– Politiet var på staden etter midnatt, men då var festen i ferd med å bli avslutta, opplyser politioverbetjent Atle Birkeland.
Midtsiden har fått melding frå ein hundeeigar som fortel at hunden hennar knekte foten då den blei skremt av den eine smellen.
– Det var ein salutt i 19.30-tida og fyrverki både klokka 22 og 23, opplyser ho.
Laurdag rett før midnatt blei det meldt om høge smell i Os sentrum.
– Det kan ha vore fyrverkeri, men vi har ingen observasjonar, berre meldingar frå folk som var på avstand frå sentrum.
Natt til søndag kom det òg melding om feststøy frå ein båt i Os hamn.
– Ein patrulje var på staden og fekk kontakt med båteigar.
