Skal ha slått 5-6 personar før han gjekk frå festen

Klokka 02.47 natt til laurdag fekk politiet melding om ein full mann som hadde slått fleire personar.

– Han skal ha slått 5-6 personar på eit arrangement før han gjekk frå staden, opplyser politioverbetjent Anne Lyssand.

Det blei ikkje meldt om skade, politiet sendte heller ikkje patrulje til staden.

Om lag samtidig, klokka 02.52, gjennomførte politiet ei avskilting av ein bil i Industrivegen grunna to begjæringar frå 2022. Det blei lagt igjen ein lapp med infortmasjon til eigar.

Fredag formiddag blei ein bil avskilta i Lysefjorden grunna manglande EU-godkjenning. Også her var eigar vekke frå bilen, og det blei lagt igjen eit notat.

Laurdag klokka 14.47 fekk politiet melding om ein båt utanfor Halhjem ferjekai som hadde fått garn i propellen.

Brannvesenet, som har båt ved ferjekaien, kom for å hjelpa.