MC-førar stakk til skogs
15-åring mistenkt for å ha sete bak styret.
Onsdag kveld hadde politiet trafikkontroll på Søfteland.
I 20.50-tida kom ein motorsykkel køyrande, men den stakk til skogs.
– Ein 15 år gamal gut er mistenkt for å ha køyrd motorsykkelen, opplyser Anne Lyssand i rapporten frå gårsdagen.
Oppdatert (Midtsiden har fått detaljar om korleis guten blei innhenta):
– MC-en stakk opp Langedalen. Der sklei motorsykkelen, og førar løpte frå staden, fortel Lyssand.
– Patruljen såg ikkje kven som køyrde den, men møtte 15-åringen gåande i området etterpå. Det står ikkje notert kven eigar av MC er. Saka skal no etterforskast.
Tidlegare på dagen, klokka 11.50, fekk politiet melding om ein bil som hadde blitt påkøyrd mens den sto parkert.
– Ein mann i 80-åra tok seinare kontakt med bileigar, og sa han ville ordna opp. Den påkøyrde bilen hadde fått skadar i sida.
Klokka 19.22 i går fekk politiet melding om havarert hjullastar på Hatvikvegen.
Vi oppdaterte i saka over.
Det var dirigering på staden fram til tungbil-bergar var på plass, aksjonen var først overstått rett før klokka 22.30.
