Mann mistenkt for ruspåverka køyring

Torsdag i 18.30-tida blei ein bilist stoppa i Hagavik-området.

– Bilførar er mistenkt for å ha vore ruspåverka. Det blei tatt midlertidig beslag i førarkortet, og sak er oppretta til vi har fått svar på blodprøve, seier politioverbetjent Atle Birkeland.

Bilførar er ein mann i 30-åra frå Bjørnafjorden kommune.

Tidlegare på ettermiddagen, klokka 17.15 på E39, blei ei kvinne tatt for ulovleg bruk av mobiltelefon under køyring.

Det resulterte i 5000 kroner i forelegg og 3 prikkar på førarkortet.