Målrik junior-derby
– Vi får dessverre for lite matching, men gutane held heldigvis trykket oppe, seier Vidar Bahus etter Os sin suverene siger over Lysekloster.
Bildeserie:
Juniorlaget til Lysekloster møtte eit av Os sine to juniorlag til derby i Lyseparken tysdag kveld.
Lysekloster - Os 2: 2-10 (0-6)
– Det er litt vanskeleg å motivera gutane til kvar kamp, når differansen blir så stor. Men om ikkje dei får god nok matching er det fint å sjå at dei skårar mykje og at fleire av spelarane har ei god utvikling, seier trenar Vidar Bahus.
Fem spelarar skåra to mål kvar for Os i går; Sander Kvittingen, Isak Røen, Steffen Ludvigsen, Emil Halvér og Adrian Valle.
53-9 på 6 kampar
Os sine gode gutelag måtte som kjent byrja i 3. og nedste divisjon då dei i år gjekk opp til juniornivå, sidan klubben ikkje hadde nok spelarar til å halda liv i elitelaget i G19 i fjor.
Serien opna med 20-0- og 12-0-siger til dei to juniorlaga. Os 1 følgte opp med 10-0 i neste kamp, men tapte så 1-5 for Vadmyra.
No står Os 1 med 3 sigrar, 2 tap og 44-9 i målsforskjell.
Os 2 ser ut til å ha vore prioritert etter seriestart, dei står no med 5 sigrar, 1 tap og 53-9 i målforskjell.
– Vi treng jamnare kampar for å bli betre, så eg håper vi rykker opp med eitt av laga til sommaren, seier Bahus.