Bjørnafjorden kommune | 28. apr. 2022
Må finna sin fjerde samfunns-sjef på tre år
Kommunalsjef for samfunnsutvikling, Torgeir Sæter, vel å gå av med pensjon.
Kjetil Vasby Bruarøytorsdag 28. apr. 2022 17:07
Kommunedirektør Christian Fredrik Fotland informerte i dag formannskapet om at han mister ein av mellomleiarane sine.
Kommunalsjef for samfunnsutvikling, Torgeir Sæter, har sagt at han vel å gå av med pensjon til hausten.
Sæter blir i jobben ut september.
– Vi har forståing for at han vel å gå av. Saman med kollegaene mine vil eg sjå på korleis vi skal løysa dette, og vi har tru på at vi skal finna ein god erstattar, sa Fotland.
Torgeir Sæter overtok etter Jarle Kvalvik på seinsommaren i 2020.
Kvalvik hadde då vore i jobben i eit halvt år.
Han overtok etter Aina Tjosås, som sa seg opp i april 2019 etter seks år i jobben.
