Lyser ut meir straumstøtte til lagslivet
Har nesten 200.000 kroner igjen å dela ut. Eller å senda tilbake til Staten.
I første runde av tildeling av straumstøtte til lag og organisasjonar vart det løyvd 827.532 kroner fordelt på 60 søknader.
Det sto ein million kroner til disposisjon i overføringa frå Staten.
– Vi har no lyst ut restmidlane til straumstøtte for lag og organisasjonar, opplyser kultursjef Erik Vangsnes.
Etternølarar har dermed sjansen til å søka om straumstøtte for månadane desember til mars.
– Ei gruppe vi ser kan ha gått glipp av første runde, er verksemder som er eigd av frivillige organisasjonar, for eksempel barnehagar.
Lag og organisasjonar søke på tilskotsmidlar for utgifter i perioden desember til mars, dersom de så langt ikkje har søkt på ordninga.
Søknadsfrist er 15. mai.
Du finn meir informasjon og søknadsskjema på kommunen si heimeside.
Ubrukte midlar i kommunane blir betalt tilbake til staten innan 30. juni.
Kulturdepartementet melder at tilskotsordninga vil halda fram til mars 2023.
– Søknadsfrist for 2. kvartal 2022 vert i august. Kunngjering om denne kjem seinare.
