Livleg i festivalhamna
Det blei bading mellom bygene då båtfolket kom til Osfest.
Bildeserie:
Frå torsdag til fredag var det berre to overnattande båtar i Os hamn.
Fredag kveld låg fleire til kai og laurdag før konsertstart låg det over 30 større båtar i Os hamn.
Hamna, som nyleg er oppgradert, var fri for kaiavgift festivalhelga.
Tett i tett langs nye brygger
Langs gjestebrygga utanfor Esso og Peppes låg det rundt 15 båtar, men det gjorde det også langs dei nyare bryggene, langs Os Sjøfront og flytebrygga ved Oseana.
Nærmast Oseana var det tett mellom mastene på seglbåtane og rundt industrikaien låg to større skuter.
Heldt seg våt mellom bygene
Laurdag blei ein svært våt festivalkveld for Osfest. Men med høg temperatur og lite vind hadde dei fleste det bra mellom bygene, og i hamna var det nok også ein del som trudde den første byga var den siste.
Ein halvtime før konsertstart var det bra med folk på vorspiel på Peppes og stor badelyst hos fleire som tok vorspielet i eigen båt.