Likevel oppstart i 2013?
I går kom meldinga om at oppstarten på ny E39 kunne bli utsatt. - Ministeren jobbar for oppstart som planlagt, seier Ingrid Netland (Sp).
Då Midtsiden i går kveld melde at det såg ut som om oppstarten på ny E-39 mellom Svegatjørn-Rådal blir utsatt frå 2013 kasta kommunestyrerepresentant og varamedlem til plan og bygningsutvalet Ingrid Netland (Sp) seg på linjene til partifellene i samferdselsdepartementet.
- Her tydar det på at det har vore ei mistolking eller misforståing mellom departementet og Øyvind Halleraker (H), seier Netland.
Frå statsekretær Sigrid H. Brattabø i samferdselsdepartementet fekk eit klart svar.
- Vårt mål er at Svegatjønn-Rådal skal starta opp neste år, berre Bergen no får klar sine reguleringsplanar, skriv Brattabø i ein e-post til Netland.
Dermed ligg ballen hjå bystyret i Bergen og ikkje hos samferdselminister Magnhild Meltveit Kleppa i følgje statssekretæren.
Kortfakta: E-39 Svegatjørn-Rådal
- 16 km ny E-39 mellom Os og Bergen
- 1 km ny fylkesvei i Os fra Endelausemarka til Lysefjordvegen
- 3 km ny fylkesvei 580 - Flyplassvegen i Bergen
- 3 km nye gang og sykkelvegar i tilknytning til prosjektet
- Omlegging av Fanavegen og Ulvenvegen
- 4-felts motorvei
- Total tunnel-lengde: 14 km i to løp
- 2 km overvannstunneller i to løp
- Totalkostnad: 4,2 milliardar (prisnivå 2008)
- Forventa anleggsstart: 2013
- Forventa opning: 2018
- Første gong omtala i 1964 då staten kjøpte land ved Klokkarvatnet i Fana for tunnellpåhugg.