Lesarbrev: Ønsker aktivitetstips

Dette er nok eit utypisk lesarinnlegg, men eg håpar å vekka engasjement anten i fleirtal eller hos den enkelte.

Du skjønnar, den sårt sakna Torsdagsklubben er lagt ned. Heldigvis er det «idrettsglede for alle» med organisert aktivitet ein time, ein dag i veka, som snart startar opp att for hausten.

Vi manglar aktivitetar som kan gje ein verdifull fritid for vårt barn, og andre som ikkje passar heilt inn i A4-formatet. Gjerne annleis aktivitetar enn dei typiske ballspela. Til dømes å køyre radiostyrte bilar, eller å helsa på dyr.

Er det nokon snille sjeler i Bjørnafjorden, som har dyr, gard eller gardsaktivitetar, som kunne tenkje seg at barn med særskilte behov kan få en meiningsfull aktivitet? Det vil alltid være en voksen med, og passar på.

Både helgar og ettermiddagar i vekedagane er opne for å fyllast med meining. Legge handa mot mulen til ein hest, helsa på ei geit, eller stryka pelsen til ein blaut kanin kan gje verdifulle opplevingar.

Vi har prøvd ut alle leikeplassar i Bjørnafjorden og omegn, og er ærleg talt gått litt lei.

Om nokon har tips til aktivitetar, som kan passa barn som er blitt tenåring i kroppen, men mentalt framleis er eit lite barn på 2 år, blir vi kjempeglad.

Med vennleg helsing

Ei litt sliten mamma som saknar aktivitet til sin tenåring