Lastebil i grøfta på Gåssandvegen
Innbyggar på Gåssand måtte snu og køyra heim.
Tysdag klokka 11.58 blei vi tipsa om ei utforkøyring og blokkert veg på Gåssand.
Ein lastebil har køyrd utfor og velta, og hindrar saman med bergingsbil andre å køyra inn og ut Gåssandvegen.
– Eg fekk beskjed om at det skjedde i 10-tida, og at det framleis kunne gå nokre timar før lastebilen var berga, seier tipsar.
Han var på veg til verkstad med sin eigen bil, men må laga seg ein ny avtale.
– Vi får håpa at ingen får bruk for helsehjelp mens dette pågår, legg han til.
Gåssandvegen er kommunal. Vi fekk ikkje tak i teknisk vakt, og brannsjef Espen Storum kjente ikkje til uhellet eller den blokkerte vegen då Midtsiden tok kontakt.
– Dette er nyttig og kan vera viktig at vi veit om. Eg vil varsla vidare til dei andre blåslyseiningane.
– Det hender jo frå tid til annan at nabolag kan vera blokkerte av uhell, men om vi skulle få ei utrykking til Gåssand mens dette pågår, kan det vera avgjerande å veta det på førehand.
OPPDATERT: Brannsjef Storum fortel klokka 14.58 at vegen er open igjen.
