Samferdsle | 04. juli 2023
Redusert framkomst etter lastebilvelt i Fana
Lastebil med pukk velta i Søråstunnelen.
Kjetil Vasby Bruarøytysdag 04. juli 2023 09:10
Tysdag klokka 07.16 meldte Vegtrafikksentralen om stengt E39 gjennom Råtunnelen og Søråstunnelen grunna trafikkuhell.
Klokka 07.17 oppdaterte Vest politidistrikt med at ein lastebil med pukk hadde velta, og at E39 var stengt retning Bergen.
Også Lyshorntunnelen retning Bergen blei stengt, men opna etterkvar i eitt felt.
– Lastebilen og ein personbil er involvert. Personbilen har fått store, materielle skadar, opplyser politiet via Twitter.
Ifølgje BT er to personar køyrd til sjukehus etter ulykka. Dei var bevisste, skadeomfang er ukjent.
Råtunnelen, den mot Flesland, er i 09-tida open, mens Søråstunnelen er framleis stengt.
Trafikken går òg saktare enn normalt frå Os til Bergen på ny E39.
