Lager Ulvenmarknad likevel

Ulvenmarknaden, som Os Skysslag har arrangert i ei årrekkje, har hatt koronapause i 2020 og 2021.

Marknaden, som byr på alt frå antikk til bil- og motorsykkeldelar, er normalt i slutten av april.

– Vi vi i januar skulle senda ut invitasjon, var det framleis høg smitte og ein del uvisse, så vi venta. Dermed blei det ikkje noko i april, fortel Gustav Bahus frå Os Skysslag.

For tre veker sidan bestemte Os Skysslag seg for likevel å gjennomføra Ulvenmarknaden før sommaren.

Normalt har marknaden 70 til 110 utstillarar.

– Det er kort varsel frå utstillarane, men det ser likevekl ut til å koma ein del, også av dei som reiser eit stykke.

Interessentar har meldt seg frå både Sogn, Haugesund, Sandnes og Sørlandet.

Innsjekk for utstillarane er fredag kveld, marknaden er laurdag.

Ved sidan av salsutstilling er det ofte også «fin-bil-utstilling» under marknaden, som også i år er på parkeringsplassane til Os vgs i Kolskogen.