Kven merker postkassa?
Saka løyst! Eit par postkassar i Brothaugen har nyleg merka med handskrevne klistremerker. Verken Posten eller Vest Distribusjon kjenner merkene.
Midtsiden får jamleg henvendelse frå lesarar som har fått merka postkassane sine, no sist frå Brothaugen.
– Vi fekk først eit merke kor det sto TU.
– Eg fjerna det, men då kom det eit nytt kor det sto TUB, naboen har også fått merka si postkasse, men der sto det TUA, fortel Midtsiden-lesaren som legg til at berre dei og den eine naboen har fått merka postkassene sine i eit postkassestativ med fleire postkasser.
Ukjent for Posten og Vest Distribusjon
Midtsiden tok kontakt med postkontoret på Os og Vest Distribusjon, som står for omdeling av uadressert reklame og gratisaviser.
Ingen av dei to selskapa har høyrt om denne måten å merka kassene på.
– Vi har egne trykte oblater med "Nei takk til reklame" og "Nei takk til gratisaviser", fortel Tom-Erik Taule i Vest Distribusjon.
Heller ikkje på budavdelinga hjå posten nyttar dei handskrevne klistremerker som dette får Midtsiden opplyst.
– Ta av merkene
Politiførstebetjent Audun Hadler-Olsen fortel at politiet frå tid til anna får melding om merking av postkassene.
– Vi har ikkje nokre konkrete spor, men har fått melding også frå Søfteland og Drange om tilsvarande.
– Nokre av meldarane fortel at dei har hatt besøk av utenlandske borgarar rett i forkant, men det er ingen som har sett sjølve merkinga, forklarar Hadler-Olsen.
– Det beste rådet eg kan gje er å berre fjerna merkene når du oppdagar dei, og som alltid vera oppmerksom på ukjent trafikk i nabolaget.
Oppdatering: Her finn du svaret på kven som har merka postkassa