Krasja med 2 i promille

Søndag morgon 14. april, i Hegglandsdalen i 5-tida, var det eit trafikkuhell med mindre materielle skader.

Ein av dei involverte stakk ifølgje politiet frå staden, men blei funnen av politiet.

Blodprøve tatt av bilførar cirka to timar etter ulykka viser ein alkoholkonsentrasjon på 1,89 promille.

Måndag var saka hans oppe i retten, der bilføraren, som er i 70-åra, møtte og tilsto. At han stakk frå staden var ikkje nemnt i retten.

Han blei dømt til 26 dagar fengsel og til å betala 30.000 kroner i bot.

Den godt vaksne bilføraren må venta to år og ta ny førarprøve før han kan kjøra bil igjen.