Knuste fortenna
Politiet si helg: Innbrot i hus på Moberg, knuste fortenner utanfor utestad og bilførar som stakk frå kollisjon i Dalen, truleg med promille.
Politiet fortel om ei helg med mange trafikkontrollar, forebyggande arbeid i båthamner, litt bråk i Os sentrum og innbrot i bustad nær Os sentrum.
– Søndag kveld fekk vi melding om innbrot i ein bustad i Mobergshaugen, fortel politioverbetjent Terje Sperrevik.
– Huseigar har vore vekke i helga og innbrotet blei oppdaga i går. Eg har førebels ikkje så mange opplysingar om forholdet.
Blei lagt i bakken - knuste tennene
Natt til søndag fekk politiet melding om personskade etter "duell" mellom vakt og gjest ved Bar2Be.
– Ein gjest skal ha dytta til ein dørvakt, men blei så lagt i bakken. Då han blei lagt i bakken knuste han nokre fortenner og skadde nasa.
– Forholdet blir meldt, så får vi sjå kva følgjer det får.
Stakk av frå kollisjon
Søndag morgon var det ein samanstøyt mellom to bilar i Hegglandsdalsvegen.
Ein av partane stakk frå staden, men blei funnen av politiet.
– Både bilførar og passasjer blei pågripen og tatt inn til blodprøve før dei blei dimittert. Bilførar, ein godt vaksen mann, er mistenkt for promillekjøring.
Kontrollerte bil og båt
Politiet i Os har hatt fleire trafikkontrollar i helga, i Hegglandsdalen, på Lepsøyvegen og på Halhjem, men ikkje funne noko å reagera på.
– Patruljen var også innom fleire av dei største hamnene i Os for å prata med båteigarar og driva førebyggande arbeid i ei tid der det er litt høg fare for innbrot og tjuveri av båt og utstyr.
Ein båt i Os hamn måtte også sikrast, då den låg og banka mot land og båteigar ikkje var i heimbygda.