Politi | 03. feb. 2023
Køyrde i autovernet i Endelausmarka
Var uheldig i 100-sona.
Kjetil Vasby Bruarøyfredag 03. feb. 2023 10:03
Klokka 00:31 fekk politiet melding om eit trafikkuhell på E39 i Endelausmarka.
– Uhellet skal ha skjedd rett før Skogafjellstunnelen retning Os, fortel politioverbetjent Anne Lyssand.
– Bilførar, ei kvinne i 20-åra, var uskadd. Airbag var heller ikkje løyst ut, men bilen var skadd i front og ho kontakta bilbergar sjølv.
Det sludda i Os torsdag kveld, og var glatt fleire stadar. VTS varsla også strøbil som var i området.
Politiet hadde ingen operative tiltak.
Klokka 05.05 fredag morgon fekk politiet klage på støy i eit nabolag.
– Det var musikkstøy frå ei adresse på Lekven.
Ein patrulje frå Bergen køyrde til staden.
– Då dei kom fram var det stille i nabolaget. Det blei heller ikkje observert nokre personar.
