Køyrde farleg gods - blir meldt til politiet

Statens vegvesen hadde trafikkontroll på kontrollplassen ved Svegatjørn og E39 tysdag.

– Éin førar blir meldt til politiet grunna manglar ved ADR (transport av farleg gods), opplyser John Kåre Larsen frå Statens vegvesen.

Det blei samtidig gitt bruksforbod til køyretøyet.

11 førarar blei kontrollert for køyre- og kviletid. 4 av desse fekk til saman 8 åtvaringar. I tillegg blei eitt firma sendt til foretakskontroll for meir grundig sjekk.

Det blei gitt til saman fire tekniske manglar for feil med lys, skade på spegl, lause boltar og utgått kalibrering av brannsløkkar.