Kosa seg på cup
Stor bildeserie • Gutane frå Arna Bjørnar var nøgd, både med vêret og eigen innsats, då dei spelte Eat Move Sleep-cup på Kuventræ søndag.
Bildeserie:
Søndagen blei akkurat like fin som laurdagen hadde vore på Eat Move Sleep-cupen på Kuventræ.
Medan Randulle og Gunhild Stordalen sto for pauseaktiviteten laurdag var det kampen mellom gatelaget og kjendislaget med Sverre Lunde Pedersen og Håvard Holmefjord Lorentzen i spissen som trakk folk på søndagen.
Langs sidelinja sat gutane frå Arna Bjørnar Ådnamarka og følgde med for å plukka opp eit par triks.
– Vi er tre lag her, fortalde gutane, som meinte kampane deira hadde gått bra.
– Vi har tapt nokon av dei då, men vi fekk straffe. No har vi spelt to, også skal vi spele ein til etterpå.
– Har de fått til det de har øvd på på treningane då?
– Jaa, også øver vi masse på skulen. Vi skal spele ein cup til, fortalde gutane før kjendiskampen starta igjen.
Over 170 lag deltok i løpet av laurdagen og søndagen i det som blir kalla Noregs mest berekraftige turnering.