Korleis er badetemperaturen?
Sommaren har kome til Os og frå onsdag til fredag skal det vera over 25 varmegradar. Vi har tatt tempen i sjø og vatn før tropevarmen kjem.
Bildeserie:
Måndag letta det i Os og i morgon er det meldt 27 varmegradar. Storm.no går i sitt varsel for Osøyro ut med følgjande «åtvaring»:
«Det ventes uvanlig høy temperatur i forhold til hva som er vanlig for årstiden på dette stedet.»
Fjord og vatn i Os er framleis eigna til nedkjøling, men dei neste dagane kan nok badetemperaturen koma til å bikka 20 gradar.
Midtsiden.no har målt temperaturen i Sigurdsvika (Ulvenvatnet), Mobergsvika og Haugsnesfjøra.
SIGURDSVIKA: 18 gradar
MOBERGSVIKA: 16,8 gradar
HAUGSNESFJØRA: 16,2 gradar
I Sigurdsvika er det varmast. Her har temperaturen auka frå 14 til 18 gradar sidan Os kommune målte temperaturen 27. juni.
Vi målte temperaturen frå innerste del av flytebrygga, der det er rundt 1,5 meter djupt.
På innsida og utsida av moloen
I Mobergsvika målte vi temperaturen både under stupebrettet og i fjøra, men begge stadar på djupner på rundt 1,5 meter.
Vi tok også tempen på innsida av moloen ved det nye friområdet mellom Oseana og Os Sjøfront.
Temperaturen var ganske lik, over 16,5 gradar, men kanskje litt høgare på innsida av moloen enn under stupebrettet.
Også i Haugsnesfjøra var temperaturen over 16 gradar, men litt lågare enn i Vikjo.
Alle målingane er tatt ...
... mellom klokka 10 og 11 tysdag 8. juli
... 20 cm under vasskorpa
... i vatn der det er cirka 1,5 meter djupt
Les òg: Retningslinjer for måling av badetemperatur (yr.no)