Klage på høg fart i Giljavegen
Råkøyring, sjuk katt og laus skjerm.
Politiet oppsummerer siste døgn.
Råkøyring
Måndag ettermiddag fekk politiet to ulike meldingar om MC-ar med svært høg fart.
– Førarane var tildekte. Meldar klarte ikkje å notera kjennemerke på syklane, fortel politistasjonssjef Anne Lyssand.
Lyssand fortel at det ikkje blei gjennomført operative tiltak på råkøyringa i Giljavegen.
Sjuk katt
Seint måndag kveld fekk politiet melding etter ein sjuk katt var observert.
– Meldar hadde ikkje kjennskap kven eigar kunne vera, seier Lyssand.
Katten blei funnen utanfor eit hus i området på Berge.
– Det blei ingen operative tiltak frå politiet si side, men meldar ville kontakta veterinærvakta.
Skjerm i vegen
Tysdag morgon fekk politiet melding om ein skjerm som låg i vegbanen.
– Det er mogleg at det var ein inneskjerm frå ein lastebil.
Lyssand opplyser at oppdraget blei overtatt av vegtrafikksentralen, som sende ut entreprenør til staden.
Skulepatruljering
Eit nytt skuleår er i gang, og politiet utfører i desse dagar «aksjon skulevei».
I dag var patruljen tilstades på Nore Neset barneskule.
– Det var fin flyt i avleveringa, trass i at det var en god del trafikk på staden, seier Lyssand.
Ho legg til at den eine busslomma ofte blir brukt til parkering.
– Det var heldigvis ikkje eit problem i dag.
