Kjørte vinkelrett av vegen
Fredag 13. har ført med seg litt ulykke. – Det var utruleg glatt, seier bilførar.
Ulykkesdagen slår heldigvis ikkje alltid uheldig ut, men i Åsen er det kanskje lett for å bli litt overtruisk.
Der står det nemleg ein bil i grøfta, nesten vinkelrett på vegen.
– Vi har ikkje høyrd noko om denne ulykka, så den er truleg utan personskade, seier politioverbetjent Audun Hadler-Olsen.
Midtsiden-tipsaren kjørte forbi i 12-tida og då var det ikkje folk rundt bilen.
Etter at Midtsiden viste bilde av bilen tok bilførar kontakt.
– Eg kan stadfesta at ingen blei skadd. Eg kjørte varsamt, for det var veldig glatt, men klarte likevel ikkje å hindra at eg hamna i grøfta, fortel bilføraren.
Politiet fekk i 2.30-tida natt til fredag melding om utforkjøring ved klosterruinane, ikkje så langt frå Åsen.
Det er truleg same bil.
– Eg kjørte utfor i 1.30-tida, men ringte ikkje politiet. Men kanskje andre kom forbi litt seinare og ringte inn.