Kan få skyfri himmel og 28 gradar
Hetebølge på veg til Sør-Norge.
Det er meldt regn i Os tysdag og onsdag, men frå torsdag til og med søndag er det meldt lettskya og opphaldsvêr.
Det skal dessutan bli varmt. Veldig varmt.
Torsdag er det meldt heile 25 gradar i Os, og meteorologane trur temperaturen kan koma opp i 28 her i vest og kanskje 30 gradar enkelte stadar i Sør-Norge.
– Årsaka er eit høgtrykk over Finland og Russland og eit lågtrykk over Storbritannia. Midt mellom dei to vêrsystem blir varm luft trekt opp frå Sør-Europa, forklarer meteorolog Eldbjørg Moksnes til VG.
Torsdag blir den varmaste dagen, men det blir ganske varme septemberdagar også gjennom helga.
Det er meldt 22 gradar fredag, 21 gradar laurdag og 19 gradar søndag.
Det er dessutan meldt nesten vindstille, under 3 m/s torsdag og under 2 m/s fredag til søndag.
Storm melder overskya fredag, men Storm og Yr er samde om lettskya eller skyfritt torsdag og laurdag.
Søndag er det Storm som melder lettskya mens Yr melder overskya.
- Sjå detaljert vêrmelding for Osøyro på VG Pent
