Om ei veke opnar kystsogedagane i Os, tradisjon tru med fiskekonkurranse med base på butikken i Øyane, og vernissasje på Vedholmen Galleri.
Årets kystsoge-ustilling er med lokale fotografar og kunstnarar, Siv-Anne Skogen, Knut-Inge Johnsen, Bjarte Løvaas Haugland, Vidar Langeland og Erlend Haukeland med fotografi, Bente Haugland med tekstil og Birthe Schytte, Torild Haugland, Atle Haugland og galleristane Peter Marron og Vibeke Harild med keramikkk og skulptur.
– Det er første gong vi viser ei kollektiv utstilling der 50 prosent av kunsten er foto, seier Harild.
Alle kunstnarane har fått i oppgåve å forholda seg til tittelen «Os inspirerer».
Tale og musikk
Som ved fleire av Vedholmen sine opningar blir det både tale og musikk neste helg.
«Mat for magen, mat for hovudet» - sjå reportasje frå vernissasjen i august i fjor.
Heidi Tronsmo frå Opera Omnia, kjent frå blant anna Havfest-framsyninga som gjekk i Oseana, held opningstalen.
Marius Neset, som i sommar fekk terningkast 6 for konserten under Moldejazz, skal stå for den musikalske stemninga.