Hjort påkøyrd ved Liafjellstunnelen

Onsdag i 06.30-tida blei ein hjort påkøyrd på E39.

Uhellet skjedde mellom Mobergsbrua og Liafjellstunnelen, eit område som hadde fleire samanstøyt for nokre år sidan, og der ein hjort også blei påkøyrd i starten på november.

– Det var ingen personskade, men bilen skal ha vore ganske skadd, fortel politioverbetjent Christine Grindstein.

Ingen var fastklemt og airbag var ikkje løyst ut. Politiet var ikkje ute på staden.

Sist gong var det ein kronhjort som blei påkøyrd, som spran frå staden med ein skadd fot. Viltkontakt fann den på ettersøk, men fekk ikkje avliva hjorten.

Denne gong blei dyret liggande igjen på staden. Viltkontakt blei varsla.