Hjort påkøyrd på Røykenes

Det har vore minst tre hjortepåkøyrslar dei siste to vekene, i går kveld kom den fjerde.

– Vedkomande som køyrde på hjorten meldte ifrå klokka 20.19 tysdag kveld, fortel politioverbetjent Anne Lyssand.

Påkøyrsla skjedde på Røykenes, 200 meter sør for Er-An Veikro.

– Hjorten overlevde, men blei liggande skadd på bakken. Viltkontakt blei varsla og kom for å avliva.

Kyr i 80-sona

På dagtid i går, i 12.30-tida, blei politiet varsla om kyr i vegbanen på Hatvikvegen.

– Dei var i 80-sona, til fare for både seg sjølv og bilistar: Vi fekk tak i eigar, som fekk kyrne tilbake på beitet.