Politi | 01. okt. 2021
Buss køyrde på hjort
Ingen passasjerar skal ha blitt skadd under oppbremsinga.
Kjetil Vasby Bruarøyfredag 01. okt. 2021 07:39
600-bussen på veg frå Osøyro til Bergen skal ha tatt ein nødbrems på Kalandseid i 07.25-tida.
– Bussen køyrde på ein hjort. Hjorten sprang vidare, men sjåføren skal ha varsla viltkontakt, opplyser ein passasjer til Midtsiden.
Ingen av dei drygt 20 passasjerane om bord skal ha blitt skadd i oppbremsinga.
Bussen blei ståande i rundt 5 minutt, men køyrde så vidare på ruta retning Bergen.
BT opplyser om endå ein påkøyrd hjort på E39, ved Krambua, og at dette skapte forseinkingar på E39 ei stund etter klokka 07.
