Hjort på øyhopping
Naturfotograf Oddmund Lunde har hatt nokre fine møte med hjort og grågåsfamilie i skjergarden i Os denne forsommaren.
Bildeserie:
– Skjergarden i Os, særleg frå Børnatrynet til Lysefjorden, eignar seg godt til øyhopping.
– Dette er noko mellom anna hjorten nyttar seg av, seier Oddmund Lunde til Midtsiden.
Oddmund og sambuaren Liv-Randi Lind har gjeve ut fleire bøker med naturfotografi, blant anna «Strålande Os» i 2009.
– For litt sidan tok sju dyr seg over eit sund på utsida av Forstrøno. Dryppande våte steig dei på land og forsvann inn i Furuskogen, fortel Oddmund, som har sendt oss bilde av øyhoppinga.
Han har også fanga eit fint kull med grågåsungar med kameralinsa.
– Desse møtte eg utanfor Kvalesundet, der dei gjekk på land for å beite på friskt, grønt gras.