Hadde ikkje førarkort på tilhengar

Laurdag formiddag hadde politiet promillekontroll på Lyseklostervegen.

Frå klokka 09.30 til 11 blei 49 bilistar kontrollerte. Det einaste politiet fann å reagera på var ein bil med hengar som var tung nok til at førar skulle hatt førarkortklasse BE, noko vedkomande ikkje hadde.

Bilisten er meldt for køyring utan gyldig førarkort.

Rett før midnatt natt til søndag fekk politiet melding om ein fest i eit selskapslokale på idrettsanlegget på Nore Neset.

Det hadde kome ubodne gjestar som hadde sett seg i ein garderobe for å drikka alkohol.

Då patruljen kom til staden var både dei ubodne gjestane og dei andre i ferd med å forlata staden.