Hadde 6 prikkar - tatt nok ein gong
Mannen erkjente forholda, men samtykka ikkje i beslag.
Onsdag klokka 12.05 blei ein bil målt til 94 km/t i 70-sone på Byvegen, nord for Os sentrum.
Det fører til 6.800 kroner i forenkla forelegg og tre prikkar på førarkortet.
Førarkortbeslag i ei 70-sone blir det normalt først når du køyrer i 106 km/t, men vedkomande hadde 6 prikkar frå før og passerte dermed grensa på 8 prikkar.
– Vedkomande, ein mann på rundt 50 år, erkjente straffeskyld, men samtykka ikkje i førarkortbeslag, fortel politioverbetjent Anne Lyssand.
Midtsiden fekk tips om kontroll på vekta på Halhjemsvegen klokka 11.57 i går. Om UP på omtrent same tid stoppa nokon nord for sentrum, eller om dette er resultat frå same kontroll, men notert på feil veg og feil himmelretning i forhold til sentrum, veit vi ikkje.
