Lokal | 12. mars 2020
Hadde 6 prikkar - fekk 6 nye
Ung bilførar tatt i snittmåling i Lysefjorden.
Kjetil Vasby Bruarøytorsdag 12. mars 2020 09:11
Politiet i Os hadde saman med utrykningspolitiet kontroll i Lysefjorden ved Sperrevik onsdag frå klokka 19.30.
– Det var kontroll innan både rus og fart, fartskontrollen blei gjennomført med snittmåling, fortel politioverbetjent Anne Lyssand.
To bilførarar fekk forenkla forelegg, ein tredje bilist fekk førarkortet beslaglagt.
Vedkomande blei målt til ein snittfart på 73 km/t, etter at tryggleiksmargin er trekt frå.
Det kvalifiserer for 8500 kroner i forelegg og tre prikkar. Bilførar, ein gut frå Fana, fylte 18 år i 2018. Han er i prøvetida, som betyr at all prikkbelasting blir dobla.
Han hadde 6 prikkar frå før, og passerte 8 prikkar med glans, noko som leiar til førarkortbeslag.