Fullsett moteshow
Kløvertun var smikkfullt då butikkar i Os sentrum gjekk saman om å visa seg fram onsdag kveld.
Fleire butikkar i Os sentrum samarbeider om å laga litt ekstra liv på Øyro, med moteshow onsdag og konfirmasjonskveld torsdag.
– Det var mange som fekk hakeslepp i går, seier leiar i Os Sentrumsforening, Geir Amundsen.
Han er stolt over kor bra opplegg butikkane hadde laga til, og svært nøgd over oppmøtet, som var ei gledeleg overrasking for arrangørane.
– Det var gratis inngang, men det blei delt ut inngangsbillettar som det var loddtrekning på. 197 billettar blei delt ut.
Publikum danna ein fin catwalk der fleire av butikkane i Os sentrum fekk vist klede, sko og frisyrar.
I tillegg var Engeline og Fisketorget Os på plass med smaksprøvar og informasjon om eigne verksemder.