Full fart i Oshallen
Bildeserie: 80 ungar på handballskule i Oshallen i haustferien. – Det går unna for unna, smiler dagleg leiar i Os Turn handball, Leif Idar Røen.
Bildeserie:
Tradisjonen tru nyttar Os Turn Handball haustferien til å skapa aktivitet og glede blant heimeverande ungar når dei inviterar til handballskule.
– I år har vi faktisk to skuler.
– Gjensidige handballskule dei tre første dagane med omlag 50 ivrige ungar.
– Torsdag og fredag blir det MX Sport sin handballskule, kor vi har vel 30 påmeldt, så totalt har vi eit tilbod til vel 80 born og unge denne haustferien, fortel dagleg leiar i Os Turn handball, Leif Idar Røen.
Seniorspelarar som instruktørar
Spelarane i alderen 6 til 13 år viser glede over å få tatt seg ut sjølv om det er haustferie.
– Det er kjempekjekt, fortel Nora når Midtsiden spør.
Som instruktørar har Røen fått med seg spelarar både frå dame- og herrelaget til Os.
– Dette er ein viktig dugnad for seniorgruppa.
– Dei kan ikkje berre kreva og få, men må yta noko tilbake til klubben òg.
– Du veit, dei er forbilder for dei unge handballspelarane i bygda og handballskulen er ein god arena kor dei unge får møte dei eldre.
– Samstundes trur eg det er god læring for dei sjølv òg, for nå må dei tenkja korleis dei sjølv gjer ting på handballbanen. Det trur eg dei vil ha nytte av på eigne treningar og i kamp, avsluttar den tidlegare herretrenaren.