Fullt på under eit døgn
Truleg Noregs mest populære handballskule. På under eitt døgn var handballskulen til Os Turn fullteikna, og det utan marknadsføring av noko slag.
Måndag ettermiddag blei Gjensidigestiftelsen si handballskule opna for påmelding. Os Turn er ein av 59 klubber i heile Noreg som står som arrangør for skulen, og uten tvil ein av dei mest populære.
– Den tilstrømminga vi har opplevd er over all forvetning og heilt rått.
– Eg må berre beklaga at no er det fullt, seier dagleg leiar i Os Turn Håndball, Leif Idar Røen.
50 plassar blei riven vekk i løpet av omlag 17 timar.
Ba om det doble
Då Os Turn Handball søkte om å få vera arrangør, for 5 året på rad, ba dei om å få ha 90 handballungar på skulen.
– Diverre har Gjensidigestiftelsen i år satt eit tak på 50 på kvar av skulane.
– Det er ikkje noko vi får gjort noko med, men eg må seie det gjer vondt å ikkje kunne tilby fleire plassar.
– Til samanlikning hadde vi i fjor 120 som meldte si interesse til å gå på handballskulen i haustferien, fortel Røen.
– Vil det vera mogleg å sette seg på venteliste?
– Nei, diverre. All påmelding går via sentrale system, så vi har ikkje moglegheiten til det.
Utan marknadsføring
Den enorme interessen har kome utan noko form for marknadsføring.
– Vi har nok klart å laga eit godt produkt gjennom dei siste åra, slik at folk har venta på at påmeldinga skulle koma ut.
– Det eineste vi har gjort er å leggja det ut på heimesida og facebooksida vår, avsluttar Røen.