Fri ferdsel på Mobergsbrua
Arbeidet på E39 avslutta i dag tidleg.
Fredag morgon opplyste Vegtrafikksentralen at E39 ville bli lysregulert på Mobergsbrua grunna vedlikehald.
Til Bergens Tidende opplyste VTS at ein bilist hadde høyrd ein slaglyd då han køyrde over brua torsdag kveld.
Laurdag morgon opplyste Vegtrafikksentralen til Midtsiden at reparasjon ikkje har starta, og at Mobergsbrua derfor blir lysregulert gjennom helga.
Seinare laurdag kom dei med oppdatert informasjon:
E39 Mobergsbrua blir stengt frå klokka 22.00 søndag kveld til 05.30 måndag morgon.
Det skal leggast ned ein køyrerampe over brufuga og asfalterast inntil denne.
Litt over kom 07.00 i dag tidleg kunne Vegtrafikksentralen opplysa om at arbeidet på brua no var ferdigstilt, og at det er fri ferdsel utan lysregulering.
