Samferdsle | 11. juni 2021
Dirigering grunna skade på Mobergsbrua
Oppdaga ein laus del i brufestet.
Kjetil Vasby Bruarøyfredag 11. juni 2021 08:56
I 07-tida fredag morgon varsla Vegtrafikksentralen om dirigering på E39 over Mobergsbrua.
– Årsaka er vedlikehaldsarbeid, skriv VTS på Twitter.
Til BT fortel trafikkoperatør Jørgen Bødtker at ein bilist varsla om ein slaglyd då han torsdag kveld køyrde over brua, ved festet i eine enden.
– Vi har vore ute og sjekka, og vil ha inn ein bruekspert.
Ein ekspert frå Mesta skal vera på staden i 09-tida for å sjå på saka.
Ifølgje Google Maps si trafikkovervaking er det i skrivande stund korte køar i begge retningar nær brua, men foreløpig ikkje inn i Liafjellstunnelen.
