Forlenger dei lokale tiltaka ei veke til

Kommunal kriseleiing (KKL) i Bjørnafjorden kommune har vedtatt å vidareføra gult smittevernnivå i barnehagar og barne- og ungdomsskular til og med måndag 13. september 2021.

Måndag 13. september er fridag for grunnskulen grunna stortingsvalet.

Det opplyser kommunen i ei pressemelding i dag.

Følgjande blir likevel endra frå og med tysdag 7. september:

• Utleige av skulelokale på ettermiddag/kveldstid til eksterne er tillate.
• Gruppeundervisning ved kulturskulen startar opp igjen, innanfor rammer som er godkjende av kommuneoverlegen. Føresette vil få meir informasjon direkte frå kulturskulen.

Den lokale forskrifta for smittekarantene for barn og unge under 18 år gjeld òg til og med måndag 13. september 2021.