Tysnesfest fekk samrøystes svar

I dag har Tysnes kommunestyre behandla sak om støtte til Stiftinga Tysnesfest, som slit etter to år med store underskot.

Støtte og sletting, i sum 300.000 kroner, er ikkje nok.

Dei treng det tidoble, men det er første steg i ein redningspakke festivalleiinga håper å få i boks.

Les ògSkjebnedag for Tysnesfest: Redningspakke kan bli avgjort

Administrasjonen var negativ i si innstilling, mens festivalleiinga ønskjer helst å gjera opp for seg. Å slå festivalen konkurs og starta opp igjen, var ikkje eit alternativ.

I formannskapet sa politikarane ja, det gjorde dei òg i eit samrøystes kommunestyre i ettermiddag.

– Tusen takk til politikarane og kommunestyret som gjekk inn for å bidra i redningspakken! Dette betyr enormt mykje, og dannar eit sterkt og tydeleg grunnlag for at resten av pakken kan koma på plass, sriv dagleg leiar Øystein Vaage på Facebook.

Han takkar samtidig for mange støtte-erklæringar festivalen har mottatt den siste tida.