Øyafest | 09. sep. 2023
Skal spela sjømannsrock på Sundøy Arena
Øyafest slepp nok eit band til 2024-festivalen.
Kjetil Vasby Bruarøylaurdag 09. sep. 2023 16:00
I august kom Øyafest med dato og første band.
Øyafest 2024 går av stabelen frå 1. til 3. august neste år.
Vinskvetten skal spela i teltet fredagen, her er første slepp utanom turbotrubadur Goggen om laurdagen:
Pakkers er klare for Øyafest!
– «Siste Sjømannssang» har rulla på nachspiela her i Øyane i årevis, no er det på tide å få dette populære bandet på scenen her ute, seier festivalsjef Ivar Bøthun.
– Dei er veldig gode og ivrige live, og speler omtrent kvar helg på ulike stadar mellom Stord og Stavanger.
Pakkers er tidlegare kjent som Matpackers. Bandet er frå Vindafjord i Rogaland, og platedebuterte i 1998 med albumet Tviarbeid.
Etter albumet Hedersmann i 2005 skifta dei namn til Pakkers.
