Politi | 18. aug. 2022
Fekk saftig forelegg i Jordmorsvingen
Politiet hadde to trafikkontrollar i Os i går.
Kjetil Vasby Bruarøytorsdag 18. aug. 2022 09:57
Onsdag i 13.30-tida, etter å ha vore ute på asfaltbilen som hamna utfor eit stup i Industrivegen, hadde politiet trafikkontroll på Byvegen ved Jordmorsvingen.
– Det blei skrive ut eitt forenkla forelegg, fortel Atle Birkeland.
Vedkomande blei tatt for handhalden bruk av mobiltelefon, og fekk 7.450 kroner i forelegg og tre prikkar på førarkortet.
Tidlegare på formiddagen, i 11.30-tida, hadde politiet laserkontroll på E39 Halhjemsvegen.
Der blei det skrive ut sju forenkla forelegg.
Høgaste målte fart var 87 km/t i 70-sona, noko som resultertei eit forelegg på 5.150 kroner og to prikkar på førarkortet.
