Asfaltbil trilla utfor stup

Klokka 09.15 fortalte politiet at dei var på veg til eit arbeidsuhell i Industrivegen.

– Ein asfaltbil har ramla 10 meter utfor ein skrent. Det er ikkje opplyst om personskade.

På staden viste det seg at uhellet starta i Øvre Varåsen.

Derfrå har bilen trilla ned ein bakke, gjennom eit gjerde og utfor eit stup bak Meny.

– Det var ingen personar i bilen, og heldigvis heller ingen som blei skadd då den trilla utfor og landa på sida, seier politioverbetjent Atle Birkeland.

Midtsiden kjem tilbake med fleire bilde og meir om uhellet.