Fekk godkjenning for dobling

Kongshaug musikkgymnas blei 12.mars i år godkjend for 185 elevar på utdanningsprogram musikk. Dette er nær ei dobling av dei 95 elevane skulen er godkjend for i dag.

– Styret har i mange år kjend på smerta ved å måtta avvisa så mange flinke søkjarar som vi ikkje kunne gje eit tilbod til. Dei får vi no høve til å gje eit godt musikk- og allmennfagleg tilbod på ei trygg kristen plattform i eit internat med tilsyn, omsorg og rammer, og 180 elever med same interesse, seier styreleiar Astrid Århus Byrknes, som sjølv gjekk på musikklinje då ho vaks opp.

– Kva meir kan ein ønskja seg? Eg skulle berre ønskje at noko slikt fantes då eg var ung, held ho fram i ei pressemelding frå skulen.

Men kva med økonomien? Kan den setja ein stoppar for utvidinga? Det har jo i haust var snakk om å kutta i tilskotet til skulen.

Les òg: Leverte 6057 underskrifter

– Det blir opplevd som om det offentlige gjev med dei eine handa og tar med den andre. Det er derfor vanskeleg å sleppa jubelen laus før likebehandlingstilskotet som forsvann er på plass i ei eller anna form, seier rektor Oddvar Rotvik.

Første sjanse ligg i revidert nasjonalbudsjett i mai.

– Dersom Kristin Halvorsen tør å innrømma at vedtaket frå budsjettbehandlinga i fjor høst var et arbeidsuhell, så kan ho visa det i mai.

– Neste sjanse ligg i eit regjeringsskifte til hausten. Det einaste vi er sikre på er at vi har ei god sak og at vi vil vinna fram til slutt. Spørsmålet er berre kor lang tid det vil ta før pengane er på plass igjen, seier Rotvik.

Av godkjenningsbrevet går det fram at skulen er godkjend for utviding alt får hausten 2013.

– Kan det bli aktuelt å ta inn to klassar på Vg1 alt frå komande skuleår?

– Då må likebehandlingstilskotet tilbake på plass i mai, og det med ein ordlyd som gjev oss garantiar for at vi får halda på dette for all framtid. I ei eller anna form må dette tilskotet tilbakeførast slik at vi kan sikra elevane våre undervisning på nivå med elevar i offentlig skole.

– Det har dei krav på, og vi ønskjer ikkje å gje dei noko mindre, seier Rotvik.