Fekk ein tøff heimekamp mot Bønes
Fekk ein dårleg start. Og slutt.
Handballdamene til Os starta året med ein del sjukdom i troppen, og gjekk på eit timålstap for serietoar Viking i november.
Laurdag tok dei imot Bønes, som sto med 7-1-4 i sigrar, uavgjort og tap før dei kom til Kuventræ.
Os hamna tre mål bak frå start, og tok aldri gjestane igjen.
8-10 var det nærmaste før pause, fire mål på rad frå 15-25 til 19-25 var den beste perioden i andre omgang.
Men gjestane skåra fem mål på rad før slutt, utan mål imot, og vann med ni.
Os - Bønes 23-32 (11-17)
Marie Storum Vik og Amanda Kristin Holthe blei toppskårarar for Os med 5 mål kvar. Emma Yael Husebye skåra 4 (3 + 1 frå 7m)
Neste kamp går borte mot Kjøkkelvik, som ligg på 5. plass med 8-1-4, same score som Bønes no har.
Neste heimekamp går laurdag 11. februar mot Gloppen, som med 5-2-8 ligg éin plass over Os på tabellen.
- Terminliste og tabell på handball.no
