Politi | 21. des. 2023
Fann pose med kvitt pulver på skuleball
Fleire av ungdomane skal ha framstått som rusa.
Kjetil Vasby Bruarøytorsdag 21. des. 2023 09:30
Onsdag, under eit juleball for ein av ungdomsskulane i kommunen, fekk politiet melding om funn av ein pose med kvitt pulver.
– Fleire av ungdomane skal òg ha framstått som rusa, fortel politioverbetjent Atle Birkeland.
Politiet rykte ut til staden.
– Minst éin ungdom blir meldt for bruk og besittelse.
Grunna etterforskinga vil politiet foreløpig ikkje ut med fleire opplysingar.
– Men vi vel å gå ut med noko informasjon, så foresette blir orientert om hendinga og kan følgja opp sine eigne.
